Wednesday, 31 August 2011

why not!!

انا مش عارف انا هكتب الكلام دة لية؟؟ انا مجرد واحد عادى جيشى قرب اوى,و ماليش فى السياسة و لا ناوى يكون ليا بس فى حاجة بفكر فيها من ساعة ما ليبيا اتحرر منها طرابلس,اعتقد فى اعلاميين اتكلموا فى الموضوع دة قبل كدة بس انا هتكلم كفرد عادى واحد بيحلم ببلاد افضل و زهق من الشعارات الكدابة بتاعت العروبة و الكلام الفاضى دة.

انا خفت جدا لما سمعت ان المغرب و الأردن انضموا لدول مجلس التعاون الخليجى, اشمعنا دول؟؟ و اية علاقتهم بالخليج؟؟ العلاقة الوحيدة انهم ممالك زى باقى دول الخليج, طيب و اية الميزة من كدة دول بعاد و مفيش حاجة كبيرة هتعود عليهم!!! بعد شوية تفكير قلت ما لما باقى الدول اللى فيها ثورات لسة شغالة تاخد حريتها الممالك دى الشعوب بتاعتها هتقول اشمعنى احنا!! فلازم يتحدوا و يحاولوا على الاقل يوقفوا اى حاجة فى بلادهم و كمان مش هقول يلعبوا من تحت الترابيزة علشان الثورات تفشل ,بس على الأقل متوصلش لاهدافها, وطبعا انتو شايفين السعودية فى اليمن و البحرين.

فقعدت و بعد ما ثورتنا خلصت و بدات ثورة ليبيا سمعت حكاية الاتحاد دى فى برنامج اعتقد-الطبعة الاول- و قلت لية لأ احنا جربنا الوحدة العربية و منفعتش و عدم الانحياز-اللى اساسا كلها منحازة-ولا ليها لازمة بردوا,و اخر حاجة الاتحاد الافريقى كان اى كلام!!! و فكرت طيب دول لية ما كملوش؟؟ علشان اللى كان بيعمل التحالفات دى الرؤساء!! و الشعوب كانت بالبلدى كدة ولا ليها فى الطور و لا فى الطحين-مفيش حاجة تربطهم ببعض-ومحدش يقولى العرب بينهم و بين بعض اللغة و الكلام الفاضى دة!!

دلوقتى بعد الثورات الشعوب هيا اللى ليها الكلمة و اعتقد اننا كلنا بنحس بشعور مختلف لما بنسمع اسم تونس ولا ليبيا ولا !! بنقول دول احرار زينا و بنحس ان فى رابط قوى بيربطنا, طيب لية منستغلش دة؟؟ لية منعملش حلف او اتحاد يضم الدول الحرة فى المنطقة و الدول اللى لسة بتتحرر تدخل بعد ما ثوراتها تنجح؟؟ لية لا؟؟ احنا نقدر نكون احسن من الاتحاد الاوروبى-مش هقول مجلس التعاون- مجلس التعاون بيعتمدوا بشكل كبير على البترول!!انما الاتحاد بتاعنا هيكون حاجة تانية!!

اولا احنا هيكون عندنا اهم 3 حاجات

1-الثروة البشرية(مصر)

2-البترول (ليبيا)

3-القرب من اوروبا(تونس)

و اكيد فى حاجات تانية زي قناة السويس و المساحة الكبيرة للدول التلاتة مجتمعة الخ............

يعنى الاتحاد دة مش هيبدأ من الصفر لأ دة هيضيف للدول التلاتة مميزات بعضها!!! يبقى لية لا؟؟

احنا استنينا كتير اوى .....

نعملها صح مرة واحدة بقى............

No comments:

Post a Comment